Poslovne vesti - Makedonija

КБ Прво пензиско друштво побара, Германија изврши поврат на данок

КБ Прво пензиско друштво АД Скопје во име и за сметка на КБ Прв отворен задолжителен пензиски фонд Скопје побара од Германија поврат на данок на исплатена дивиденда на хартија од вредност.

Со надминување на огромен бирократски бедем, Германија првпат изврши поврат на задржан данок по основ на остварен приход од дивиденда во рамки на инвестирање на средствата на задолжителниот пензиски фонд со кој управува Друштвото.

- Средствата добиени врз основа на извршен поврат на задржан данок по основ на приход од дивиденда, директно се пренесуваат на индивидуалните сметки на членовите на КБ Прв отворен задолжителен пензиски фонд Скопје - велат од друштвото.

Вкупно 19,68% од средствата на задолжителниот фонд, заклучно со 31.12.2011, се инвестирани во сопственички хартии од вредност во странство, додека 7,4% од вкупниот фонд се вложени во сопственички хартии од вредност предмет на оданочување во Германија.